नेपाली हास्यव्यङ्ग्य अनलाइन पत्रिका

माघ आठ गते संविधान नआए नेता जलाउने रे
माघ आठ गते संविधान आए संविधान जलाउने रे !

खाना पकाउने ग्यास नपाएर हाहाकार छ
नेता जलाउनुहोस् कि संविधान जलाउनुहोस्
त्यो आगोमा हाम्रो ताउलो पनि बसाल्न दिनुहोस् है
अनि पो जनताको चाहना पहिलो पल्ट पुरा हुने छ
संविधान र नेताले गर्दा जनताको भात पाक्ने छ ।

नेता जलाए पनि जलाउनुहोस्
संविधान जलाए पनि जलाउनुहोस्
यस्तो चिसो बढ्यो यसपाली
ताप्नु पर्छ आगो छिटो जलाउनुहोस् ।

यत्रो वर्षसम्म जनताका सपना जलाएर आगो ताप्नेहरूले नै भनेका हुन्
के थाहा, यो पनि ढाँटेकै हुन् कि ! जलाउलान् कि नजलाउलान् ?!
बत्तिसपुतली, काठमाडौं