नेपाली हास्यव्यङ्ग्य अनलाइन पत्रिका

राजु प्र.भट्टराई
विद्यालय जाने विद्यार्थीको हातमा
कलमको बदला
सिग्रेट अनि मोबाइल छ ।
कुन केटा कुन केटी ?
छुट्टाउन कठिन छ ।
लुगा हेर सीमा छैन
छोप्न हो या देखाउन हो ।

लाज शरम हरायो
कसैको मतलब छैन
अनुशासन कुन चरीको नाम हो ?
बाटोघाटोमा विचित्र तमाशा !
पाठशाला अन्तै छ ।

दिनहुँ एक एक बहानामा
सराब अनि वनभोज छ ।
कक्षा पढन हो कि ?
टाइम पास गर्न ?
कर्तालाई नै थाहा छैन ।

देशमा परिवर्तन आउँछ रे !
नैतिक शिक्षा हटाउँदा
संस्कृत विषय नपढाउँदा
तर परिणाम अर्कै भएछ ।
पहिचान हरायो
समाज कुरूप भएर गनायो ।

सबै ककटेल पार्टीका पारखी !
कसलाई हेर्ने फुर्सद ?
आजको शिक्षालय त
बन्दैछ कुलतको अखाडा
राजनीति अनि झगडा ।
विराटनगर