नेपाली हास्यव्यङ्ग्य अनलाइन पत्रिका

हेदा आकृति
मान्छे जस्तो लाग्ने
चुनाव आयो कि
खाली भोट मात्र माग्ने
जितेपछि चुनाव
बेपत्ता भई भाग्ने
एउटा घर पालुवा जीव
हराएको हुँदा
कृपया कतै फेला पार्नु भयो भने
बानेश्वरको गोठमा हालिदिनु होला
मानेन भने
कडै कदम चालिदिनु होला ।

बाहिर
नाक मुख ठ्याक्कै हामी जस्तो
भित्र
बाघ भालु चितुवा जस्तो
अस्ती चुनाव ताका
भोट दिने मान्छे खोज्छु भन्थ्यो
भोट नदिनेलाई गोद्छु भन्थ्यो
चुनाव जितेपछि
न भेट्न आको छ
सम्पर्क बिहिन भाको छ
कहिलेकाहीँ टिभीमा
जुलुस गरेको देखिन्छ
कहिलेकाहीँ उसकै बारे
ठुला अक्षरमा अखबारमा लेखिन्छ ।
कतै तारे कतै लाले
कतै माले कतै काले भन्दै हिड्छ
खान पायो भने जता पनि छिर्छ
हेर्दा तपाईं हामी जस्तै देखिए पनि
बुझ्दा अर्कै जन्तु रहेछ
त्यसैले अचेल साँढे जस्तै भएछ
कृपया उसलाई कतै भेटेपछि
बानेश्वरको गोठ्मा हुलिदिनु होला
मानेन भने
ठोकठाक पारेर भने पनि ठेली दिनु होला ।

हेर्दा दुई खुट्टे भए पनि
पशुपतिनाथको साँढे परेछन्
त्यसैले
बानेश्वरको गोठमा पनि
घारा घोचा भाँच्दै गर्नु गरेछन्
कृपया यी साँढेलाई
कतै देख्नु भयो भने
साङ्लोले बाँधी राखी दिनु होला
मानेनन् भने
तातो पन्यूले दागी दिनु होला ।
साँढेलाई डाम्ने चलन कता गयो कता
डाम्ने साँचो पनि छैन त्यो यता
डाम्ने औजार छिमेकीतिर पर्यो
खोजी ल्याऊ प्रधान डाम्ने औजार चाँडो
हाम्रालाई छैन आँट डाम्ने भए पनि भाँडो
उतैबाट बोलाई ल्याउनुस् डाम्ने धामी पनि
डामी छोडि दिनु पर्यो यी साँढेलाई बेकामी भनी ।
दाङ, हाल काठमाडौं