काशीनाथ मिश्रितछोड जे जे पर्छ
सपना नै देख्न छोड जे जे पर्छ बरु
देखे पनि हेर केहि नदेखे झैं अरु ।
आँखा देख्ने मान्छेहरू भनी भ्रम पाल्छौ
निराक्षरै गतिला छन् तिमी भन्दा बरु ।
सभ्यताको धाक पो खुब लाउँछौ क्यारे
तिमी भन्दा नसिक्ने नै सभ्य छन् हौ बरु ।
यस्ता मान्छे देखेपछि धक्कु मात्र सम्झ
त्यो भन्दा त सोझै मान्छे असल छन् बरु ।
ठूला कुरा कति सुन्नु सबै झुठा मात्र
भन्छ विवश तिमीभन्दा टोल राम्रो बरु ।
आँखिभुई– ८, सखुवासभा
Subscribe
Login
0 Comments
Oldest
