नेपाली हास्यव्यङ्ग्य अनलाइन पत्रिका

जसरी तराईलाई जिस्क्याउँछ्न डाँडाहरूले
जिस्क्याईरहन्छन् फूलहरूलाई काँडाहरूले ।

भलो गरे अरुको स्वर्गको बास हुनेछ
सम्झाई रहन्छन दिनहुँ बुढा खाडाहरूले ।

मान्छे चाहिँ बुद्धिमान बुद्धिहीन भैंसी रे
आमाको दूधको आश गर्दैनन् पाडाहरूले ।

हजुर छलले चल्नु हुँदो रहेछ महाशय
गरिबका चुल्हो बल्छन् ठेला गाडाहरूले ।

चौबन्दी बुलाकी, सारी चोलो हराउँदा
दुई बित्ते कपडा लगाउँदै छन् छाडाहरूले ।
नवलपरासी