नेपाली हास्यव्यङ्ग्य अनलाइन पत्रिका

१.
तिमी हाँस्यौ र आज घाम लाग्यो
मलाई त खुसी पनि धुमधाम लाग्यो
अँध्यारोमा हाँस्दी हौ, मैले देख्दैनथें
आज उज्यालोमा हाँस्यौ र
मेरो सम्पूर्ण जिज्ञासामा पूर्णविराम लाग्यो ।

२.
सुनको साङ्लो लगाउँदा गहना हुन्छ
फलामको त्यही साङ्लो हथकडी हुन्छ
साङ्लो त आखिर साङ्लै न हो
नबुझेर पो गडबडी हुन्छ ।

३.
व्याधा मृगिणीलाई प्रेम गर्छु भन्छ
माझी माछीलाई प्रेम गर्छु भन्छ
नेतो पनि जनतालाई प्रेम गर्छु भन्छ
अद्भूत प्रेम छ जताततै देख्नु मात्रै पर्छ ।

४.
नेता, व्यापारी सधैं तपाईको सेवामा तत्पर छन्
प्रहरी, कर्मचारी सबै तपार्इंकै सेवामा अग्रसर छन्
अलि सतर्क भएर हिंड्नु होला
कसले, कतिखेर, कहाँनेर सेवा गर्छन् गर्छन्

५.
एउटाले भन्यो, मैले कलम समाएको देशै बदल्न हो
अर्काले भन्यो, मैले बन्दुक समाएको पनि देशै बदल्न हो
मैले सोधें– के बदलियो त देश ?
उनीहरूले भने– बदलियो धेरै नेपालीको देश बदलियो
कोही ग्रीनकार्ड बोकेर अमेरिका गए
कोही युरोपियन त कोही अस्ट्रेलियन भए !