नेपाली हास्यव्यङ्ग्य अनलाइन पत्रिका

झिना मसिना मामुली सपनाहरूको
बनाइयो बिशाल चुली सपनाहरूको

घाम नअस्ताउदै अनी जुन नउदाउदै
कस्ले लुट्यो खै गोधुली सपनाहरूको

मध्य रातमा आएर कता हराउछ्यौ
त्यसैले रहन्छ खुल्दुली सपनाहरूको

म देशलाई अँध्यारो मुक्त बनाइदिन्थेँ
बन्ने भई दिए बिजुली सपनाहरूको

जान देउ बा छोरालाई युद्द मैदानमा
ल्याउनेछ मुल्य अशुली सपनाहरूको

जाजरकोट