नेपाली हास्यव्यङ्ग्य अनलाइन पत्रिका

नाईं, मलाई त्यही मन्त्रालय चाहिन्छ
त्यहाँ मीठोमीठो खान पाइन्छ
विदेश पनि गईन्छ, नेता पनि भइन्छ
सलाम खाइन्छ, सम्मान पनि पाइन्छ
नाईं, मलाई त्यही मन्त्रालय चाहिन्छ ।

दिने भए त्यही मन्त्रालय देउ
नदिने भए तोरीको फूल देख्लाउ
म पनि खान्छु, तिमी पनि खाउ
जसरी पनि त्यही मन्त्रालय देउ
बारबार सांसद कहाँ भइन्छ ?
नाईं, मलाई त्यही मन्त्रालय चाहिन्छ ।

श्रीमतीको मुहार हसाउनु छ
ससुरालीको सपना साकार बनाउनु छ
सालासाली आश गरेर बस्या छन्
कार्यकर्ताले मुख मिठ्याउन थाल्या छन्
अरु कुरा जान्दिन, त्यो मन्त्रालय छाड्दिन
दिन्न भन्न कहाँ पाइन्छ ?
नाई, मलाई त्यही मन्त्रालय चाहिन्छ ।

काठमाडौं