नेपाली हास्यव्यङ्ग्य अनलाइन पत्रिका

१.समृद्धिका लागि
फेरि एक पटक घोषणा–पत्रमा 
विकासको बाढी आएको छ, {{read_more}}
के आएन र, बालाई टोपी 
अनि आमालाई साडी आएको छ,
भर्खरै जुङ्गाको रेखी बसेको 
मेरो छोराले यो कसैगरी पत्याएन–
सपनाको जहाज चढेर ऊ त 
‘समृद्धि’का लागि खाडी आएको छ ।

२. जनता ढाँट्दै भेटिन्छन्
कोही भारी उचाल्दै भेटिन्छन् त 
कोही धान काट्दै भेटिन्छन्,
कोही भकारो सोहोर्दैछन् त 
कोही दाम्लो बाट्दै भेटिन्छन्,
चुनाव हो यो एक पटक ढाँटेर 
बर्षौं बर्ष खाने खेल–
यसैले त यतिबेला उनीहरू 
मिलाइवरी जनता ढाँट्दै भेटिन्छन् ।