नेपाली हास्यव्यङ्ग्य अनलाइन पत्रिका

गर्नुहोला सबै काम उतैतिर सोधी 
नत्र भने होला खल्लो पाँच बर्षे रोदी 
रिमोट हो दिल्ली सधैं नेपाल हो टी भी 
पाए भारु रमाउने हाम्रा बुद्धिजीवी {{read_more}}

इतिहास भूगोल नै सधैं पराधीन 
ठूले तिम्रो कुरा सुन्न मानिदैन घीन 
आशीर्वाद तिम्रो पाए चल्छ हाम्रो सास 
हामी सबै आफन्त हौँ उतै अन्तिम बास 

किन धाक लगाउने ?किन गर्ने फुर्ति ?
तिम्रै खैनी मीठो लाग्छ प्यारो उही सुर्ती 
परम्परा रीतिरिवाज सबै अनुरुप 
सुम्पेकै हो तिमीलाई नदी खोला कुप 

च्यातिएको हाम्रो मन सिलाइदिने हो कि ?
तिम्रो भूगोल यतैतिर मिलाइदिने हो कि ?
मूख्यमन्त्री बन्न पाए पुग्यो हामीलाई 
“जय हिन्द “ भन्न पाए पुग्यो हामीलाई 

कति खप्ने किचिर मिचिर कति धान्ने मन्दी ?
आलो घाउ बनेको छ तिम्रो नाकाबन्दी 
घुम्न आऊ पशुपति लानेछु म रोदी 
आशीर्वाद देऊ मलाई हे “नरेन्द्र मोदी”

चितवन