रामशरण न्याैपानेलभस्टोरी
तिमी सोह्र शृङ्गार
गरेर आऊ
या
अनुहारमा जूनको
उज्यालो भरेर आऊ
उसले,
एक आँखाले हेर्दैन,
तिमी परीकै फोटोकपी
बन,
चाहे प्रेम पढाउने मोटोकपी
बन
उसले,
तिमीपट्टि आँखा फर्काउँदैन,
तिमी हुनसक्छौ लाखौँ सपनाकी रानी
या हुनसक्छौ लाखौँ आँखाको नानी
उसले,
छडके नजर तिमीलाई गर्दैन ।
कारण,
ऊ,
मर्न आँटेको
मक्किएर झर्न आँटेको
कुर्र्सीसँगको गहिरो मायामा छ
किनकि
ऊ नेता हो ।
दार्जिलिङ, हाल : काठमाडौं
Subscribe
Login
0 Comments
Oldest
