नेपाली हास्यव्यङ्ग्य अनलाइन पत्रिका

मुखमा रामको नाम, मनमा ध्वंश—रावण
मैकियाभेली चाणक्य गोयबल्स हामी कारण ।
छलछाम—खुराफात, आघात छ जतातता
ओठे सहमति जप्दै, यात्रा हाम्रो कता–कता ।१।

बदनाम गरी शब्द, सतीत्व अस्मिता लुटी
कूर्चीकै फूर्र्तीमा बस्छौ, दलभित्र लुकी–ढुकी ।
योद्धाका रक्तधारामा, स्वार्थ–तारा सजाउँदै
बनाइ ढाल आदर्श, सारा मास्छौ रमाउँदै ।२।

बाङ्गा पुच्छर सोझिन्नन्, यत्रो हन्डर पाउँदा
नाङ्गा दुच्छर सच्चिन्नन्, आनी–बानी झनै लुला ।
बगलीमा छुरा बोकी, घडाका दूधमा बिख
राख्ने दुच्छर बानिमा, खै सुधार सफा ईख ? ।३।

धादिङबेसी