नेपाली हास्यव्यङ्ग्य अनलाइन पत्रिका

चाबी पनि उनैसित ताला पनि उनैसित 
त्यसैले त गोरा पनि काला पनि उनैसित

म त गवाँर कुरूप छु, नाम मात्र सुन्दर हो
गुलाबी ओठ स्याउ जस्ता गाला पनि उनैसित

न छ टेक्ने आधार मेरो न समाउने हाँगो नै छ
सुनै सुनका बाला पनि माला पनि उनैसित

सयपत्री मखमली फुल्छन् मेरो दिलभरी
मुटु घोच्ने बचनका भाला पनि उनैसित

प्यासी छु म तिर्खाएर तड्पिरहेको छु यहाँ
तिर्खा मेट्ने भरिएका प्याला पनि उनैसित ।
सिन्धुली