नेपाली हास्यव्यङ्ग्य अनलाइन पत्रिका

तपाई जस्तो बुद्धिमानलाई मेरो शुभकामना के लाग्ला र ! अर्काको बुद्धि चाटेर यसो र उसो भनेर हर्वो र गोल्डक्वेस्टको ग्राहक बनाउन कम्मर कस्नुहुन्छ, मरिहत्ये गरेर लाग्नुहुन्छ, अर्कालाई फसाउनुहुन्छ, आफूचाहिँ पानी माथिको ओभानो बन्नुहुन्छ, त्यसपछि बेपत्ता बन्नुहुन्छ । तपाईको यो अवसरबादी नियतलाई म सधै सलाम गर्छु । यसरी लाख र करोडको हिसाव गरेर लक्कु कमाउन सक्नेले उही बाउबाजेले बनाइदिएको घरमै मुन्टिरहनु हुन्छ ? यहाँ हजुरले म र म जस्ताको चित्त दुखाउनु भएको छ । यहाँ हजुरले आफ्नो घर परिवार त विगार्नु भो भो, दुनियाका घरमा किन भाँडभैलो मच्चाउनु हुन्छ । फसाउने कलामा विजया दशमीको उपलक्ष्यमा दुर्गामाताले यहाँ हजुरलाई सद्बुद्धि प्रदान गरून्, फसेको मेरो १८ हजारको मुरी मुरी शुभकामना ।

तपाईंको भलो चाहने मित्र
उही डट डट