नेपाली हास्यव्यङ्ग्य अनलाइन पत्रिका

न त केही डर नै छ न कसैको भर छ हजुर
न पातीले बारेको झुप्रे सानो घर छ हजुर ।

नछोऊ न भो मेरो घाउ दुखाउन अतितलाई
फूल जस्तै देखेपनि भित्र तितो जहर छ हजुर ।

भैगो छाड साथ दिन्छु भन्ने तिम्रा कसम सारा
सोचेजस्तो छैन जीवन हर कदम कहर छ हजुर ।

हेर्दा देख्यौ भद्र जस्तै खोलिहेर्दा छातीभित्र
उर्लिएको छाल जस्तै वेदनाको लहर छ हजुर ।

जन्म दिने बाउले पनि मेरो होइनस् भनेपछि
बिखर्ची भो राम पनि न त कुनै थर छ हजुर ।

चितवन, हालः मरुभूमिको छातीबाट