नेपाली हास्यव्यङ्ग्य अनलाइन पत्रिका

अमर अधिकारी :

हजुरआमा अहिले सुरुवाल लगाउँछिन्
आमाले भेस्ट लगाई गर्मी भगाउँछिन् ॥

पेटिकोटले नेटो काट्यो कता हरायो
हल्का लुगाले यहाँ सहज गरायो ॥

वनमा जाँदा बुहारीले हाफपाइन्ट लाउने
ठाडी भाखा विर्सेर पप गीत गाउने ॥

पेटिकोटले गर्मी हुन्छ सुरुवाल छिरायो
नयाँ पोशाकले हाम्रो थिति गिरायो ॥

पेटिकोट हराएको सूचना टाँसियो
छोटा फ्रकको कुममा फुर्को गाँसियो ॥

कसले लगाओस् पेटीकोट अनि फरिया
पाइन्ट छिराई घाँस काट्न जान्छन् खोरिया ॥

जमाना नि के भो के भो बुझ्न गाह्रै भो
काम धन्दाभन्दा पनि कुरा साह्रै भो ॥

०००
बुढानीलकण्ठ, काठमाडौं ।