नेपाली हास्यव्यङ्ग्य अनलाइन पत्रिका

नवराज कार्की :

१.
उसले भन्यो, ‘यो बन्नै नहुने देश, कसरी बन्यो ?’
मैले भनेँ- ‘उसले भन्नै नहुने यो कुरा कसरी भन्यो ?’
याद गर । जसरी जोगिदै आएको छ नि यो देवभूमि
त्यसरी नै भोलि पनि हाम्रै एकताले जोगिने छ यो ।

२.
ठूलो ठानिन्थ्यो कुनै वेला- राजासितको फोटो
ठूलै मानिन्थ्यो कुनै वेला- नेतासितको फोटो
समय गयो, रङ खुइलियो, फालिए कुनातिर
अहिले चम्कियो, एयरपोर्टवाला, सुटकेससितको फोटो ।

३.
एउटा कुरा सबैले मनन गर्नुपर्छ
हामी सबै एक दिन पक्कै मर्नुपर्छ
जस्तो शुद्ध आएका थियौं हामी यो संसारमा
त्यस्तै शुद्ध भएर, यहाँबाट हामी फर्कनुपर्छ ।

०००
हालः अमेरिका