नेपाली हास्यव्यङ्ग्य अनलाइन पत्रिका

पी पी कोइराला :

दनकादेश-१
ल ! लवस्तरो, लठुवा लडाईँमात्र लगा,
वतनको वास्ता वरपर वकल्न नलगा ।
शंकाष्पद शहरमा सशक्तीकरण जगा,
सकस ,सन्त्रास सज्जनको सजाय सधाई भगा।

दनकादेश-२
कति कन्याउँछस् कस्कस्लाई करौंती काँडा ?,
खुकुरीले खोजेको खुनको खोलो डाँडाकाँडा ?।
गरज गवाँरको गम गरे गहकिलो भाँडा,
घरघरमा घमाइलो घाम घुमाएर आछाडा ।

दनकादेश-३
देशका दलालहरुबाट दाईँ धुर्त्याईँ !,
धतुरेलाई धरपकड ,धारे र सफाई।
नदे नदे नाटकबाजी नवतारको रजाईँ,
पावन पवनको परिवेश परिस्थिति फर्काई।

०००
धरान-१३
२०८१/१०/२५