नेपाली हास्यव्यङ्ग्य अनलाइन पत्रिका

तेजविलास अधिकारी :

१.
भनेकै हो नि ओठे भक्तिले देश बन्दैन
अर्काको कमजोरी गन्तीले देश बन्दैन
देश बनाउन अब युवालाई नेतृत्व देऊ
उही पुरानै चलन चल्तीले देश बन्दैन ।

२.
माथि बस्नेले जालझेल गरेर यस्तो भो
काला बजारीसँग हेलमेल गरेर यस्तो भो
नयाँ नाराले छकाउँछन् प्रत्येक चुनावमा
स्वार्थमा सत्ता किनमेल गरेर यस्तो भो ।

३.
संसदमा अध्यादेशको कुरा हुन्छ
संवादमा संमृद्ध देशको कुरा हुन्छ
जनजीवन असजिलो भो कमरेड
शहीदको सपना कहिले पुरा हुन्छ ?

०००
चितवन