नेपाली हास्यव्यङ्ग्य अनलाइन पत्रिका

डा. छायादत्त न्याैपाने :

१.खुले हृदयी पाना
मुस्कुराए पाखाहरू
रम्य छ वासन्ती बहार ।

२.जुधून् यी दुवै आँखा
बसून् ती वैरीका घाेडा
उठून् श्रमिक हातहरू।

३.कुरै कुराकाे खेती
प्रेम प्रणयकाे खेती
लड्डु फल्ने मनकाे खेती !

४.आहा स्वादिला गफ !
सुखी जीवनका गफ
कर्महीन अल्छीका गफ !

५.जीवन हाँस्ने कर्म
साथ दिने पाकशाला
सुखी हुने निश्छल प्रेम !

६.आँखा खाेल्ने चेतना
सिर्जना सूत्र बहार
सुन्दर देखिन्छ संसार ।

७.आफै व्यस्त छ मान्छे
आफै बिर्सन्छ सत्कर्म
खेदिन्छन् विवेक-इमान ?

८.तमस प्रिय मान्छे
चुठ्न नसिकेकाे मान्छे
सुशासन, हुङ्कार ठुलाे !

९.हटाेस् आश्रयी भाेक
बढाेस् उत्पादन कर्म
खुलाेस् न चेतनाकाे दैलाे ।

०००
पर्वत, हाल काठमाडाैं