नेपाली हास्यव्यङ्ग्य अनलाइन पत्रिका

नवराज र शेषकुमारी पोख्रेलका सुपुत्र प्रह्लाद पोख्रेल २०१४ कार्तिक १२ गते रावा कुभिन्डे, खोटाङमा जन्मिनुभएको हो । तेह्रथुम निवासी पोख्रेल हाल काठमाडौं बस्नुहुन्छ । नेपाली विषयमा स्नातकोत्तर गर्नु भएका पोख्रेल सरकारी सेवाबाट निवृत्त हुनुहुन्छ । २०२८ देखि नै साहित्यमा प्रवेश गर्नु भएका पोख्रेलको पहिलो प्रकाशित कृति ‘आजको आकाश’ (२०४२) संयुक्त कवितासङ्ग्रह हो । उहाँका ‘जीवन्त यात्रा’, (२०५२), ‘गोसाइँकुण्ड’, (२०५६) लगायत हालसम्म सोह्रवटा काव्यकृति प्रकाशित छन् । उहाँबाट ‘अननुकरणीय’ (समालोचना चम्पू), ‘एक सय एघार सुभाषित’, (२०६६), लगायत झण्डै दुई दर्जन कृति तथा पत्रिकाहरूको सम्पादन गर्नुभएको छ । साझा प्रकाशनको महाप्रबन्धक (२०७८ साउन २७-२०७९ माघ २१) तथा गोरखापत्र संस्थान र नेपाल टेलिभिजनको सञ्चालक सदस्यसमेत हुनुहुन्छ । सम्पर्क नं. : ९८४१५३०१९१