नेपाली हास्यव्यङ्ग्य अनलाइन पत्रिका

“ऊ !! कालु जस्तै देखिन्छ त ।”
मतदानको निम्ति छलफल गर्न भेला भएका नागरिकमध्ये एउटाले प्वाक्क बोलिहाले ।

“कैदमा परेको छ भनेको सुनेको थिएँ, यसलाई त ।” अर्काको ओठ हल्लियो ।

कालु नजिकै आइपुग्यो । उसले आफूलाई मतदान गर्न अनुरोध गर्यो ।
भेलाले जिज्ञाशा प्रस्तुत गर्नु अस्वाभाविक भएन-
“हजुर त कैदी हुनुभएको छ भन्थे ।”
“सत्य हो ।”
“उमेद्वार कसरी हुनुभयो त ?”
“गौरवमय पार्टीको विश्वासपात्र भएको हुनाले टिकट पाएको छु ।”
“तपाईं सुन तस्कर पो हो त । भोट किन दिने ?”

“म तस्कर होइन । हजुरहरूलाई एउटा एउटा सुनको औंठी लगाईदिउँ भनेर चौविस किलो सुन किनेर ल्याएको थिएँ । एयरपोर्टका प्रहरीले सबै लुटिदियो ।”

आनन्दआश्रम ; फापरथुम, स्याङ्जा
०७९।२।१