नेपाली हास्यव्यङ्ग्य अनलाइन पत्रिका

एकाएक उसको ब्याङ्क ब्यालेन्स बढ्यो
र किन्यो एउटा न्यानो पञ्जा

खुट्टा बेच्यो
र किन्यो एउटा चम्किलो बुट

निधार बेच्यो
र किन्यो एउटा टीका

दृष्टि बेच्यो
र किन्यो एउटा चस्मा

शरीर बेच्यो
र किन्यो एउटा पोसाक

चेतना बेच्यो, गौरव बेच्यो
विश्वास बेच्यो, आशा बेच्यो,
गति बेच्यो, आत्मा बेच्यो,
र किन्यो थुप्रै-थुप्रै चिजबिजहरू
जसको लिस्ट उसले बनाइसकेको छैन

सारा सामानहरू ड्रइङरुममा
सजाइसकेपछि
एकदिन उसले सोच्यो
यी सबै चिजबीजहरू कसका लागि ?
किनभने उसले त आफूलाई बेचिसकेको छ ।

०००
२०४२ सालमा लेखिएको यो कविता ‘एउटा बाहुला नभएको बुसर्ट’ कवितासङ्ग्रहबाट