नेपाली हास्यव्यङ्ग्य अनलाइन पत्रिका

घस्छन् बेसार
निर्वाचन उनासी
नयाँ के छ र ?

पार्टी प्रवेश
को आउँछ को जान्छ
छैन निषेध ।

नेता भा रु मा
टाठाबाठा दारुमा
देश मरुमा ।

कुरा हँुदैनन्
जनताका अपेक्षा
पूरा हुँदैनन् ।

किन फुटेका
सत्रु काखी च्यापेर
भाइ कुटेका ।

देश पखाले
काँग्रेस एमालेले
धोती फुकाले ।

सोझा निचोरे
जन्मदिने आमाको
छाती चिथोरे ।

प्रतिबद्धता
चुनाव घोषणामा
छैन शुद्धता ।

छ अलपत्र
लाटोको लगौंटी झैँ
घोषणापत्र ।

शुद्ध भएको
कम भ्रष्ट नेतामा
मत दिने हो ।

चक डस्टर
आए राजनीतिमा
केही मास्टर ।

खै त विकास
गाँस बास कपास
छैन निकास ।

देश फन्दामा
राजनीति विकास
भागबन्डामा ।

झुटो लेख्दिन
यी नेता के बक्दैछन्
मैले बुझ्दिन ।

राजनीति यो
गर्नेलाई भन्दानी
हेर्नै लाज भो ।

राजनीति यो
विद्याको मन्दिरमा
अति धेरै भो ।

खास हुँदैनौं
चिट चोर्छौ जाँचमा
पास हुँदैनौं ।

भुँडी फोर्दैछौ
लेख्न पढ्न जान्दैनौं
चिट चोर्दैछौ ।

नारा काँग्रेस्को
हँसिया-हथौड़ामा
मत दिने भो ।

लाज पचाई
आयो फेरि एमाले
हलो समाई ।

जय नेपाल
भ्रष्टाचारी बोल्दछन्
दुख्छ कपाल ।

मीठा बातले
तिम्रा पार्टी डुब्दैछन्
अन्तर्घातले ।

जस्तै भए नि
न्याय अब पाइन्न
गोर्खा गए नि ।

पालो मिच्नेछन्
फेरि पनि पुराना
भ्रष्ट जित्ने छन् ।

घाटा घटाऊ
सक्छौ भने यो पल्ट
युवा जिताऊ ।

०००
कपन, काठमाडौं