दुनो सोझ्याउनु होस्

दुनो सोझ्याउनु होस्

भाषण ठोक्दै लोकतन्त्रमा जित्नु र हार्नु सौन्दर्य लोकतन्त्रको भन्दै पटक पटक आफ्नै दुनो सोझ्याउनु होस् अरु जे गरुन् बाँचुन वा मरुन् खानुहोस् मज्जाले खानुहोस् ।

श्रमशील
पक्षमा लागेर
पटक पटक
चाकरी
चाप्लुसी
अनि
मालिस
गर्नुहोस् चाहिन्छ
वा
घुक्र्याएर
थर्काएर
अर्को मान्छे लगाएर
परिणाम आफ्नो
पोल्टोमा पार्नुहोस्
गल्ती देखाउनुहोस्
अर्काले हो भनेर
स्वाद लिनुहोस्
मेरा कर्म
मेरो भाग्य
खाएँ त के भो
भन्नु होस्
जता चल्छ हावा
जस्तो बग्छ लहर
त्यतै त्यतै लाग्नुहोस्
मूलतः दुनो सोझाउनुहोस्
पैसा कमाउनु होस्
कर छल्नु होस्
आलो पालो
फेर्नु होस् पार्टी
खानुहोस् स्वाद लिएर
सर्वकालिक
सार्वजनिक
सर्वमान्य (?)
नेता जस्तै बनेर
अजम्बरी / अमर
बन्नुहोस्
अरु हुन् कार्यकर्ता
अरु हुन् कमजोर
बनाएर अरुलाई दास
मालिक बन्नुहोस्
अलि
भाषण ठोक्दै लोकतन्त्रमा
जित्नु र हार्नु
सौन्दर्य लोकतन्त्रको भन्दै
पटक पटक आफ्नै
दुनो सोझ्याउनु होस्
अरु जे गरुन्
बाँचुन वा मरुन्
खानुहोस्
मज्जाले खानुहोस् ।