नेपाली हास्यव्यङ्ग्य अनलाइन पत्रिका

(सिस्नुपानी मकवानपुरले ०८० वैशाख २२ गते आयोजना गरेको हास्यव्यङ्ग्य  कविता प्रतियोगितामा उत्कृष्ट २५ मा छनाेट भएकाे कविता  हाे याे ।  वाचनमा  झल्लुप्रसाद अनुपस्थित रहनु भयाे । छनोटमा परेका २५ वटै र सहभागी अन्य हास्यव्यङ्ग्य कविताहरू फित्कौलीले क्रमशः पोष्ट गर्ने छ । कृपया आआफ्नो तस्वीर info@fitkauli.com  मा यथाशीघ्र पठाउनु होला । -प्रधान सम्पादक)

जमिन हौँ- हामी !
र हौ तिमी- बीज !

तिमीले टुसा निकाल्यौ,
तिमीले पात हाल्यौ,
तिमीले लहरा फिजायौ,
तिमीले फूल फुलायौ,
तिमीले फल फलायौ ।

ए ! साम्यवादको रुख
तिम्रा फलहरू अचाक्ली टर्रा भए !
तिम्रा फूलहरू अचाक्ली अँध्यारिए !
तिम्रा लहराहरू अचाक्ली आकाशतर्फ फर्किए !
तिम्रा पत्करहरू अचाक्ली विषप्रदायक भए !

अब हामीसँग दुई विकल्प छ;
एक- तिमीलाई उखालेर फ्याल्ने !
दुई- तिमीलाई उखालेर फ्याल्ने !

र, तेस्रो विकल्प मलाई उपयुक्त लाग्छ
– तिमीलाई उखालेर फ्याल्ने ।

०००
सम्पर्क : ९८६१८९८९९०
धादिङ, मैधी !