नेपाली हास्यव्यङ्ग्य अनलाइन पत्रिका

हाेम सुवेदी :

वर्ष दिनमा आउने मदर्स डेमा
हिजाे ता टन्न फाेटा हालियाे
मनमा लागेको चौचौ फालियाे
उनैका लागि बनाउनु छ वृद्धाश्रम
त्यसैले चन्दा माग्न थालियाे
ज्येष्ठ नागरिक भनेपछि जाेसुकैले दिन्छन्
त्यही उठाउन पाइला चालियाे
पाेहाेर पनि मागेकै हाे
पाेहाेर उठेकाे रकमले त
आफ्नै घर टालियाे
खसी ढालियाे
जेनतेन केही वर्ष आमा पालियाे
यस पालि मदर्स डेमा
केकमा माेम बत्ती बालियाे
केक काटेर ममका मुखमा हालियाे
उनै ममकाे डेमा काटेकाे केक
सबैका मुखमा हालियाे
ममका लागि वृद्धाश्रम चाहिएकाे छ
त्यही बनाउने चन्दा
द्रुत गतिले माग्न थालियाे ।

०००
भद्रपुर, झापा