नेपाली हास्यव्यङ्ग्य अनलाइन पत्रिका

हरि खनाल :

तेल भिस्साको भ्रमण सकी
विदेशबाट आका
कथा हाल्न शिपालु छन
हाम्रा साईला काका

गर्व गर्छन मेरो छोरो
चढ्छ राम्रो कार
छोरीले नी जागिर खाछे
भाछे जिम्मेवार

ज्वाइँसाहेब परिश्रमी
किनिसके घर
छोरो पनि खोजिराछ
किन्न वरपर

कोहि भेट हुुनै हुुन्न
बेलिबिस्तार पूुरा
सुुन्नेलाई वाक्क लाग्ने
संधै यौटैकुरा

बल्लतल्ल ऋणले किन्ने
ति सम्पत्ति तर
किनहोला धक्कु ठुलो
छिमेक वरपर ?

किन्नेलाई उधारोको
दशकौंको बोझ
ऋण तिर्ने दुखजेलो
बिच के को मोज ?

घरको वारि बाझो राख्दा
पनि काका दङ्ग
विदेश आश्रित उनको खुसि
अचम्म प्रसङ्ग ॥

०००
धादिङ