नेपाली हास्यव्यङ्ग्य अनलाइन पत्रिका

डा. लोकेन्द्रप्रसाद पौडेल :

ओरालोको अर्थतन्त्र
कति थप्या ऋण ?
नतिजाको टुङ्घो विना
किन विवेकहीन ?

भाको सानो बजेट पनि
आफ्नै चुनाव क्षेत्र
अरु ठाउँलाई लत्याउने
पक्षपाती नेत्र

समान अवसर मापदण्ड
नियतवस नै मिचीे
जनतालाई कुशासनले
जबर्जस्ती थिची

हरेकवर्ष खर्व खर्व
ऋण बढेको सुन्छु
उन्नतिको यात्रा भने
उँधो देख्या हुन्छु

निर्दोष टाउकामाथि औशत
कति ऋण गन्ने ?
नभा कामलाई जानिजानी
गरेको छु भन्ने ?

गरिवको चुलो रुन्छ
महँङ्गीको मार् ले
भोलिको दिन कठिन छ
झनै अन्धकारले

तर पनि नेता गर्जन
धेरै गरेँ भन्दै
नभाँचेको सिन्को समेत
उपलब्धि गन्दै

कतिसम्म दिन कटाउने
मुलाईजा गनी ?
कमसेकम त हेर सरकार
कहाँ चुकेँ ? भनि ॥

०००
काठमाडौं