नेपाली हास्यव्यङ्ग्य अनलाइन पत्रिका

बालकृष्ण खनाल :

घ्याम्पे पेट रहेछ दुष्ट जनको, भोरिन्न केही गरि।
भ्रष्टाचार गरीगरी मुलुकको खाई सक्यो सम्पती।।
ठेक्का लिन्छ उहीँ गरेर लफडा, गुन्डा लगाइ कन।
भूमी पूजन गर्छ तस्कर सधै, फाडेर सारा बन।।१

खायो त्यो अलकत्रको पनिसबै, बाटो बिगारी कन।
पापी कर्मगरेर दुष्ट जनले,जोड्दैछ धेरै धन।।
नेताछन् उसकै सबै अधिनमा, उस्कै कमान चल्दछ।
दौडन्छन् नकटा बिचार नगरी, मेवा जहाँ फल्दछ।।२

लोभिन्छन् पुतली हरू र भमरा, देखिन्छ बत्ती जहाँ।
देखेमा बनसम्पदा अलिकता, पुग्छन् ति तस्कर पनि।।
गर्छन् गोप्य कुरा बसेर सँगमा, नेता र ती तस्कर।।
अड्डाका मुखियाहरू पनि सबै, बोलाउँछन् सकभर।।३

गर्दा लोभ बिलाप हुन्छ सबको, भन्ने बुझेनन् किन।।
भन्छन् भाग्य रहेछ हो अगतिलो, आए कठिन्का दिन।
जागेमा जनता हुनेछ बिपती, तिम्रो अवस्यै पनि।
टाडा छैन यतै छ हेर नजिकै भेट्टाउला त्यो दिन।।४

भन्थे पूर्वजले परिन्छ अगती, जोडे लुटी सम्पति।
जसले पाप गरी ठग्यो मुलुकको भेटाउला दुर्गति।।
जे भोगे उनले सुनाय सबको, सुन्ने हरूले बुझ।
खोजौँ भ्रष्टहरू पुरै समरका बालेर राँको उठ।।५

०००
टिकापुर, कैलाली