नेपाली हास्यव्यङ्ग्य अनलाइन पत्रिका

अचम्मको पिन्चे रैछौ रुन्छौ धुरुधुरु
कुकुरलेझैँ पुच्छर लुकाई हिन्छौ लुरुलुरु ।

अन्यायको बिरुद्धमा फुटाउँदैनौ बक्य
स्यालकै जुनी पाको रैछौ हुन्छौ थुरुथुरु ।

अब्बल जग्गा जमिन जति पराईकै भयो
लाक्षी किन तमसुकमा लेख्छौ सुरुसुरु ।

आँखा देख्दै अन्धो हुन्छौ मुख भएर लाटो
भेँडो रैछौ जे भन्यो त्यै मान्छौ खुरुखुरु ।

श्रीमतीलाई रत्तीभरै वास्ता गर्नु छैन
तरुनीलाई देख्दा केको हुन्छौ जुरुजुरु ।

धादिङ