नेपाली हास्यव्यङ्ग्य अनलाइन पत्रिका

हुर्केदेखि शहर बस्छु तर स्वर्ग गाउँ हो भन्छु
तलब थालको चट्नी बन्दा इधर उधर खाउँ हो भन्छु ।

सपना भो श्रीमतीलाई जोडी दिन मङ्गलसुत्र
लाछी हुनुभन्दा बरु अख्तियार नै धाउँ हो भन्छु ।

कैले काही मुर्गा मिले ठमेल समेल धाउँ हो भन्छु
क्षणिक नै सही तर ‘नौलो’ माया लाउँ हो भन्छु ।

नमिलुन्जेल स्वच्छ छवि, देखाउला परे सत्र
नैतिकता हो देखाउने दाँत मोजमस्ती दाउ हो भन्छु ।

कैलेकाहीँ डान्स्बार धाउँदै यसो दोहोरी गाउँ हो भन्छु
सुन्दरीका साथ्मा सुरा कैलेकाहीँ खाउँ हो भन्छु ।

जेन्टलम्यान छु झट्ट हेर्दा मलाई था’छ के छ भित्र
मस्तीको छ बेग्लै संसार नगा’कालाई जाउ हो भन्छु ।

काठमाडौं