रहस्य विक्रम चिमरियातरवारको धारमा गर्धन
पहिले तरवारको धारमा गर्धन राखिन्छ
अनि मुटुबाट अलग्याएर धड्कन राखिन्छ ।
सुनका दराजभित्र छन् ती तमसुकहरू
त्यहाँ कैद गरी निर्धाहरूको जीवन राखिन्छ ।
छैनन् व्यवहारिक शिक्षा यी पुस्तकहरूमा
फगत मीठा मीठा सिद्धान्त र दर्शन राखिन्छ ।
आज देशद्रोही मर्दा राष्ट्रिय झण्डा ओडाइयो
अब जिउँदो देशभक्तमाथि कफन राखिन्छ ।
उम्रनु छ फुल्नु छ यहीँ ‘रहस्य’ खुलाउनु छ
जहाँ बिरुवालाई नै निमोठ्ने चलन राखिन्छ ।
बिर्तामोड, झापा
Subscribe
Login
0 Comments
Oldest
