निशान निष्कर्षसाउन सम्बन्धी तिन ठोकान
१.
मेहेन्दीले कोमल हातमा मेरै नाम लेखेँ भन्थ्यौ
बजाउँदै हरियो चुरा बाधाहरू छेकेँ भन्थ्यौ ।
तिम्रो रहर पूरा गर्ने मेरो पनि सदीक्षा हो
खुन्खुनाउँथ्यौ छेउमै बसी के के स्वप्न देखेँ भन्थ्यौ ।
२.
हरियो साउन आएको छ मनमा के के छाएको छ
मेहेन्दी, मेहेन्दी, मेहेन्दी सपना रङ्गीन बनाएको छ ।
यो झरीमा सँगै रुझ्ने रहर उनको होला कि नहोला
न खबर पठाएकी छिन् प्रियाले न झरीले बताएको छ ।
३.
साउनमास हातहरू सजाएर आयौ तिमी
नाडीभरि छिन्छिन् चुरा बजाएर आयौ तिमी ।
घुम्टोभित्र लाज रैछ नयनभरि नवस्वप्न
दुनियाको सामु भने लजाएर आयौ तिमी ।
तन्द्राङ, गोरखा
