नेपाली हास्यव्यङ्ग्य अनलाइन पत्रिका

१.

आज भोलि नेताहरू नाङ्गिएको अवस्था छ
त्यागी कार्यकर्ताहरू बाङ्गिएको अवस्था छ
खै, कसरी सम्हालिने हो यो देशको राजनीति
विकृतिका लहराहरू झाङ्गिएको अवस्था छ ।

२.
घुस र कमिसनले बन्यो महल उहाँको
हेर्न लायक क्या छ चहलपहल उहाँको
हिजोसम्म गर्नुहुन्थ्यो चाकरी कतै
आज गर्छन् सेवक सेवा टहल उहाँको ।

३.
कुरा पानीको गर्दै आगो सल्काउनेहरू छन्
भाषण सहमतिको गर्दै सत्ता पल्टाउनेहरू छन्
यो मुलुक सदियौंदेखि चलिरहेछ यसरी नै
यहाँ त सल्टीसकेका समस्या पुनः उल्टाउनेहरू छन् ।