नेपाली हास्यव्यङ्ग्य अनलाइन पत्रिका

लेकै फुल्ने लाली गुराँस पाखा फुल्ने बुकी
गतसाल अन्माईदिए जन्माउने पो छु कि
भीर फुल्ने कुरिलो त बगर फुल्ने काँश
हड्डी मासु तल्लो पेटमा फेर्न गारो सास
लेकै फूल्ने लाली गुराँस पाखा फूल्ने बुकी
उदर भयो यमानको हिंड्छु लुकीलुकी ।

लेक लाग्छ लेक जाँदा तराई औलो जरो
नौ महिनेले छुँदा किन सधँै हुन्छ खरो
लेकै फुल्ने लाली गुराँस पाखा फुल्ने बुकी
वाक्क ब्याक्क हण्डर हजार मरेँ सुकी सुकी ।

मेरो आफ्नो कोही छैन स्वामी राजा सिङ्गो
आफ्नो पाउमा पायल छैन उन्को पाउमा डिङ्गो
घिउ खाने माइत जाने मोइजारोको बेला
देवीदेउता सिमेभूमे नहोस् यो ज्यान हेला
लेकै फुल्ने लालीगुराँस पाखा फुल्ने बुकी
अशक्त छु कामबाट हिँड्छु लुकीलुकी ।

मेरो ईश्वर मेरो प्रभु माइती गुरु चेला
जब बज्छ पञ्चे बाजा अनि पर्छौ फेला
मलाई सबले माया गर नौ महिनेले छुँदा
आँसु सबले पुछ्ने गरौँ यो वैँशमा रुँदा
लेकै फुल्ने लालीगुराँस पाखा फुल्ने बुकी
चिलाई राख्छ कन्याइराख्छु जन्माउने पो छु कि ।

फूलबारी–११, पोखरा