नेपाली हास्यव्यङ्ग्य अनलाइन पत्रिका

पशु पालक किसान सबको आयश्रोतलाई बढाउन
लाग्यो सरकार विदेशबाट भैसी बाख्रा झिकाउन
सस्तो ब्याजको ऋणमा किसानलाई बाँडियो पनि
किसान सबले थाले पाल्न, ब्याउलान र खाउँला भनी ।

बर्षौं पाल्दा पनि भैँसी न बाख्रा ब्याउने भए
आन्दोलनमा किसान उत्री एकसूत्रीय माग यो दिए
“हे सरकार किसान सबको माग एउटा पूरा गर
हाम्रा भैँसी बाख्रालाई चाँडै नै ब्याउने गर ।”

सरकार भयो कटिबद्धध माग पूरा गराउन
कर्मचारीहरूलाई थाल्यो उसले खटाउन
उद्घाटन गर्नैलाई दौडी नेताजी पनि पाल्नु भो
एकै दिनमा पचास गोठमा उद्घाटन गर्न भ्याउनु भो ।

बत्तिसपुतली, काठमाडौं