नेपाली हास्यव्यङ्ग्य अनलाइन पत्रिका

शैली

चुनाव नजिकियो नेता अब गाउँ पसे
छलछाम गर्दै चुनाव जिती ती सहरमै बसे
अन्न, ओखती, कपडा बैरीझैँ भएपछि
भोकको मृत्युमा आँखाबाट तप्पतप्प आँसु खसे ।

दृष्टिकोण

परिश्रमी मस्तिष्क आलुमा टमाटर फलाउँछन्
कोही कागतीमा जुनार, जुनारमा सुन्तला झुुलाउँछन्
हामी कहाँ खरानी दर्शन छिप्पिँदो छ क्रमशः
गाउँलेहरू नै गाउँको स्कुल साथै हेल्थपोष्ट जलाउँछन् ।

राष्ट्रप्रेम

देश बँचेमात्र देशवासी रहन्छन्
भाषा रहेमात्र भाषाभाषी कहिन्छन्
खबरदार ! देशको नक्सा तानातान नगर
राष्ट्रप्रेम त हृदयमा पो समेटिन्छन् ।

प्रजातन्त्र –२

हाम्रा नेतालाई प्रजातन्त्रमा बहार छ
कार्यकर्तालाई दगुर्दैमा पहाड छ
कर्मचारीले खाइसकेको यो देश
जता हेर्यो उतै उजाडै उजाड छ ।

बिडम्बना

सन्ते सार्कीकी छोरी
सांसदको
अनुहार लिएर पो
जन्मिइछ ।

मन्थली क्याम्पस, मन्थली, रामेछाप