नेपाली हास्यव्यङ्ग्य अनलाइन पत्रिका

१. साठी वर्र्ष बितिसके ! जागौँ जागौँ भन्थ्यौँ !
चुच्चे ढुङ्गो उही टुङ्गो ! नाप्यौँ ! जाग्यौँ ! हुइय !

२. जागे को ? को ? किसान र मजदुर जागे !
चुच्चे ढुङ्गो उही टुङगो ! जागरण हुइय !

३. नारी जागे ! ‘जागौँ !’ भने पुरुष नै ज्युले
चुच्चे ढुङ्गो उही टुङ्गो ! समाज नै हुइय !

४. रूढ कुरा नबढ्नु त अकासको फल !
चुच्चे ढुङ्गो उही टुङ्गो ! नयाँ कुरा हुइय !

५. चाड वाड आयो कि त नसुर्रिने को छ ?
चुच्चे ढुङ्गो उही टुङ्गो ! सवै आस्था हुइय !

६. अचेल त पुरानो पो बल्झी बल्झी फिर्यो !
चुच्चे ढुङ्गो उही टुङ्गो ! जागृति त हुइय !

७. खुसुखुसु बढेको छ ! फुईं बढेको छ !
चुच्चे ढुङ्गो उही टुङ्गो ! घट्ने कुरा हुइय !

८. पति छोरा पत्नी धेरै विदेसिने बढे !
चुच्चे ढुङ्गो उही टुङ्गो ! सुधार त हुइय !

झर्रो नेपाली घर, चन्द्रगढी, झापा