नेपाली हास्यव्यङ्ग्य अनलाइन पत्रिका

धर्मात्माहरू थोरै छन् पापीहरू बढी भए
पापीलाई बनाएनौँ धर्मात्मा उति नै रहे
त्यति मात्र भए हुन्थ्यो धर्मात्मा पनि बिग्रिए
पापीसँग मिली हाय ! उतै पो सब जोडिए ।

दुष्टहरू बढेकै थे कम्ती नै तर सज्जन
दुष्टलाई सधाएर सज्जनतर्फ मिलाउन
सक्नुपथ्र्यो सकेसम्म ठ्याक्कै उल्टोे यहाँ भयो
सज्जनै तानिई दुष्ट सङ्ख्या मात्र बढी रह्यो ।

भ्रष्टाचारी बढेकै थे सदाचारी गिराउँन
सदाचारीहरू लाग्नुपथ्र्यो भ्रष्ट मिटाउँन
यहाँ यस्तो भयो हेर, भ्रष्ट नै अगुवा भए !
सदाचारीहरू हारे भ्रष्ट नै विजयी भए ।

पापी दुष्टहरू जो जो भ्रष्टाचारीहरू थिए
भएर लोक नै लिस्नो बाँदरतर्फ खडा भए
बाँकी छौं रमिते केही रोएर सब हेर्दछौं
कल्ले भन्छ यहाँ आज– लीला यो अब फेर्दछौं ।

ओखलढुङ्गा