नेपाली हास्यव्यङ्ग्य अनलाइन पत्रिका

सिध्यो सार्क महान यज्ञ जनता, आयो अँध्यारो अब
ब्वाँसा स्याल र गिद्ध वानर किरा, भेला भएछन् सब ।
निस्कर्षै नहुने चले मिटिङका, भेला र खेला अब
बक्कासूर– निशुम्भ गर्जन गरे, देशै फस्यो दल्दल ।।१।।

नाच्दैछन् पुतली पराइ बलका, सङ्गीत पाई यहाँ
भाँच्दैछन् जनभावना सठहरू, बाझ्दै र जुझ्दै यहाँ ।
चक्र्यो दन्त–बझान स्वाँठ–जडका, धिक्कार हो छल्फल
बासी लास गनाउँदै छ जनता, चित्कार भो छल्फल ।।२।।

भो भो पेल्न नथाल गिट्टी र शिला, झर्दैन है तेल ता
भो भो खेल्न नथाल क्रूर अगुवा, मास्यौ सबै सभ्यता ।
लुट्नैसम्म लुट्यौ फुट्यौ अनि टुट्यौ, भो छोड्दियौ बैठक
बासी अक्षम दम्भका कुरुप हो, झोली र तुम्बा भिर ।।३३।।

धादिङबेँसी