नेपाली हास्यव्यङ्ग्य अनलाइन पत्रिका

तपाइँ चिन्तित हुनुहुन्छ रे !
संविधान बन्दैन कि भनेर ।
चिन्ता नलिनुस्,
नेताजी संविधान बनाउँदै हुनुहुन्छ
नेताजी लागिरहनुभएको छ
संविधानै संविधान बनाउँछु भनेर ।

त्यसैले त–
कहिले मेची पुगेर कुम हल्लाउनुहुन्छ
कहिले राप्ती पुगेर बङ्कर छाम्नुहुन्छ
नेताजी संविधान बनाउँदै हुनुहुन्छ ।

कसैले औँलो ठड्याएर
संविधान बनाउँदै हुनुहुन्छ
कसैले हातमा पट्टी बाँधेर
संविधान बनाउँदै हुनुहुन्छ
जसरी भए पनि
संविधान त बनाउँदै हुनुहुन्छ ।

तपाइँ– हामीले किन चिन्ता लिने ?
नेताजी आफैं चिन्तित हुुनुहुन्छ
कसलाई मुटु दिने ?
कसलाई कलेजो दिने ?
कसलाई मासु दिने ?
कसलाई हड्डी दिने ?
बाँडेका सपना कसरी पु¥याउने ?
भागबण्डा गर्र्दै हुनुहुन्छ
संविधान बनाउँदै हुनुहुन्छ ।

चिन्ता नगरौँ
नेपाल अभैm
टाट पल्टी सकेको छैन
नेताजी यसैमा चिन्तित हुनुहुन्छ
संविधान बनाउँदै हुनुहुन्छ

२०७१ मार्ग ५ गते