नेपाली हास्यव्यङ्ग्य अनलाइन पत्रिका

कलियुग न हो यो मित्र यहाँ रावण राज्य चल्छ
अपहरित हुन्छे सिता अनि रामकै पुत्ला जल्छ ।

मोदी भन्छन् गौतम बुद्ध नेपालभित्रै जन्मेका रे !
ठोकुवा म गर्छु एकदिन अशोकको स्तम्भ ढल्छ ।

विधान सभा गोरु नै हो ब्याउँदैन हौ बुझन यार
हेर्दै जाऊ आकाङ्षामा के कसरी ढुसी फल्छ ।

धनीलाई छ मोज र मस्ती धर्तीमै छ स्वर्ग तिनलाई
गरिबलाई त विपनीमै स्वप्नले नि छल्नु छल्छ ।

परदेशमा त हाँसी हाँसी मेत्तर बन्छन् युवाहरू
आफ्नै देशमा गरिखान किन तिनको मासी गल्छ ?

धादिङबेँसी