नेपाली हास्यव्यङ्ग्य अनलाइन पत्रिका

१. तपाईंले भनेको हो कलियुग आयो !
तपाईंकै अगाडि लौ ! कलियुग आयो !

२. साम्यवाद कराउने फासीवादी भए
प्रजातन्त्र जप्ने यस्तै ! कलियुग आयो !

३. शास्त्रवादी भोज प्रिय ! गुरु ट्युसने छन्
भ्रष्टाचार कति कति ! कलियुग आयो !

४. पुराणमा नाच गान ! चन्दा जम्मा बढ्यो !
कमाउने सवै भए ! कलियुग आयो !

५. पार्टीको त चर्तिकाला सर्वश्रेष्ठ भयो !
बेबकुफ पार्ने बढे ! कलियुग आयो !

६. जो पनि त नेता भयो ! जान्न हुँ नै भयो !
सिधा सोझा चुप्प हुने ! कलियुग आयो !

७. भाषा भेष शिष्टताको संस्कृतिको कुरा
पाखा लाग्यो सारै दरो कलियुग आयो ।

८. खर्च मात्र ! हानि मात्र ! असात्विक पारा
उत्ताउलो ज्यादै भयो ! कलियुग आयो !
झर्रो नेपाली घर, चन्द्रगढी झापा