नेपाली हास्यव्यङ्ग्य अनलाइन पत्रिका

छ सय एकको बथान
खै, त संविधान ?
कुर्सीकै लागि घमासान
सावधान ! नेपाली सावधान !

हुनुहपथ्र्यो कारागारमा
पुगे सिंहदरवारमा
भेडाबाख्रा समान
कुन चरीको नाम हो ‘संविधान’ ?

कामै नगरी ज्याला
कस्तो नकच्चरो चाला
देखा । महालेखा बेरूजु
यिनका नाममा खुरूखुरू ।

दुई ठाउँ हारेका प्रधानमन्त्री
अठारपल्ट हारेका छायामन्त्री
खै त, गिनिज बुकमा स्थान ?
किन चाहियो त संविधान ?

खालि गठन र विघटनको
संसद तमासा प्रहसन भो
खै त, कालो सूची निर्वाचन आयोग ?
खै त, अख्तियार महाअभियोग ?

नालायकहरूको पहिचान
भयो हैन त संविधान ?
गर्नै पर्यो यस्तालाई बहिष्कारको अठोट !
किन फेरि यिनैलाई भोट ?
अभिव्यक्ति, पूर्णाङ्क १६१