अहिलेको महाभारत
विकास विश्वमा व्यापक भयो
जीवन र जगतमा नि बहुतै फेरबदल भो
पहिले र अहिलेमा आकाश जमीन फरक भो
जमानासँगै बासी भात नि फ्र्राई राइस भो
गाउँका हरि नि शहरमा ह्यारी भो
समयसँगै प्रविधि र ज्ञानमा परिवर्तन भो
पुराना रीतिथिती सबै रछ्यानमा भो
देश त भातमारा नेतालाई दाइजो भो
कहिले जुट्ने कहिले फुट्ने नौटङकी बढी भो
मञ्चन मात्रै बानेश्वरमा निर्देशन कताबाट हो
हामीलाई यो बुझ्न स्वस्थानीले भएन
रामायण र महाभारत नै खार्नुपर्ने भो !
काठमाडौं