नेपाली हास्यव्यङ्ग्य अनलाइन पत्रिका

प्रदेशका कुरा गर्न छोडेर, जाबो देशका कुरा के गर्नु ?
प्रशासनका कुरा गर्न छोडेर, जाबो शासनका कुरा के गर्नु
प्रक्रियाका कुरा गर्न छोडेर, जाबो क्रियाका कुरा के गर्नु ?
प्रगतिका कुरा गर्न छोडेर, जाबो गतिका कुरा के गर्नु ?

प्रतियोगीका कुरा गर्न छोडेर, जाबो योगीका कुरा के गर्नु ?
प्रतिष्ठावानका कुरा गर्न छोडेर, जाबो निष्ठावानका कुरा के गर्नु ?
प्रतिवादका कुरा गर्न छोडेर, जाबो बाद्का कुरा के गर्नु ?
प्रदर्शनका कुरा गर्न छोडेर, जाबो दर्शनका कुरा के गर्नु ?

प्रभावका कुरा गर्न छोडेर, जाबो भावका कुरा के गर्नु ?
प्रलयका कुरा गर्न छोडेर, जाबो लयका कुरा के गर्नु ?
प्रवचनका कुरा गर्न छोडेर, जाबो बचनका कुरा के गर्नु ?
प्रवासका कुरा गर्न छोडेर, जाबो बासका कुरा के गर्नु ?

प्रविधिका कुरा गर्न छोडेर, जाबो विधिका कुरा के गर्नु ?
प्रत्यङ्गका कुरा गर्न छोडेर, जाबो अंगका कुरा के गर्नु ?
प्रसारका कुरा गर्न छोडेर, जाबो सारका कुरा के गर्नु ?
प्रहरीका कुरा गर्न छोडेर, जाबो हरिका कुरा के गर्नु ?
बत्तिसपुतली, काठमाडौं