नेपाली हास्यव्यङ्ग्य अनलाइन पत्रिका

मन्दिरमा होस् कि मार्गमा
पार्टीमा होस् कि पार्कमा
दाइ एक छिन ल
हाम्रो फोटो खिचिदिनुस् ल
तरुनीहरू मसक्क मस्किए
अलीअली म पनि जिस्किएँ
मोबाइल क्यामरा किचिक्क
तरुनीको फोटो
खिचिक्क खिचिक्क ।

सुरु सुरु हिंडेको बेला
अङ्कलल एक छिन ल
कल्ले बोलायो भन्या त
मोबाइल थमाउँदै
एउटा ठिटनोले बोल्यो प्याच्च
के गर्ने खिचिदिनै प¥यो
ख्याच्च ख्याच्च ।

आफूलाई कामको हतारो
गाडी नपाएर अर्को चटारो
दाइ एक छिन ल
फेरि अर्की तरुनीले
ट्याबलेट थमाउँदै मस्की
ठिटोसँग रहिछ लजाउँदै झस्की
ट्याबलेटको क्यामरा क्याच्च क्याच्च
खिचियो फोटो ख्याच्च ख्याच्च ।

मन्दिर छिर्नै लाग्दा
एउटीले भनी
भाइ एकछिन ल
हात सनासोले झै समाई
हातमा नोटप्याड थमाई
श्रीमती ठ्याक्कै अर्ना जस्ती
श्रीमान सुकेको धाइरो जस्तो
राम्रो मिलाए जोडी कस्तो कस्तो
खिच्नै पर्यो 
क्यामरा पारियो क्याच्च क्याच्च
स्माइल !
खिचियो फोटो ख्याच्च ख्याच्च ।

ठुला, बडा, भेटिए कि
सबै फोटो खिच्न मच्चिने
म पनि आउनु प¥यो भन्दै
कोही उभिने
कोही भुइमै थच्चिने
कोही फोटो खिची
अघाउँदैन अघाउने
सकियो भन्न बेला
एकछिन ल भन्दै
क्यामारा थमाउने ।

फोटो खिच्यो कि
कोही फेसबुकमा ठेस्या छ
कोही ट्विटरमा भेटिया छ
जे भए पनि मोबाइलले
सबको रहर मेटिद्या छ ।
दाङ, हाल– काठमाडौं