नेपाली हास्यव्यङ्ग्य अनलाइन पत्रिका

फलामे ढोका भने नि,
प्रवेशद्वार भने नि,
महत्वपूर्ण खुड्किलो भए नि
के भो र ?
एसएलसी पास गर्ने पर्छ र ?
पत्रकार बन्न
साहित्यकार हुन
सफल कलाकार बन्न,
प्रधानमन्त्रीदेखि मन्त्री बन्न
सभासद्देखि सड्कपालसम्म
व्यापारीदेखि उद्योगपतिसम्म
पास गरैकै छन् र ? एलएलसी ।
सुनिन्छ,
कस्तुरीका पात्रको पनि एसएलसी छैन रे,
सुशील बाले सचिवालयमा
शैक्षिक योग्यता खुलाएकै छैनन् रे,
अमृत बोहरा हुन् या टेकबहादुर गुरुङ
अम्बर बहादुर ता कि अमरसिं
शान्ताका कुरै छोडौं
दिलशोभाको पनि एसएलसी छैन रे ।
ऋषि धमलाले किन पास गर्नु ?
फेल त म पनि भाकै हो,
तर मौका परीक्षा चाहिँ दिएको छु ।
रामेछाप