नेपाली हास्यव्यङ्ग्य अनलाइन पत्रिका

जोडे धन अति जोडे, धनखातिर मित्र वन्धु पनि तोडे
सन्ततिले गति छोडे, इज्जतले छोडेपछि शिर फोडे ।

साथीले खालाझैं, हतपत उसिनेको आलु निलेछन्
भित्रै भतभत पोल्यो, के गरी फाल्नु समान गर्दैछन् ।

वारि नजीकै देखे, यतै आउन भनी पौडन लागे
भ्रम भो पारि नजीकै, फेरि फर्के यसै गोता खाए ।

सबमा नाफा खोज्थे, हिंड्ने गर्थे थापेरै च्याँखे
प्रेम विवाह गरेथे, दुलहीले ल्याइन् बच्चो च्याँखे ।

छुतको रोग हटाउन, सहभोजनको आयोजन गरियो
दलित दलितमै झगडा, ठूलो सानो भनी रोकिन गयो ।

काठमाडौं